Resensi Serat

Resensi Serat Pedhalangan Lampahan

 

Identitas Buku

Irah irahan          : Serat Pedhalangan Lampahan Kresna Duta

Panganggit         : Ki Purwadi

Panerbit              : CV.Cenderawasih Sukoharjo-Surakarta

Taun Terbit         : Edisi Revisi  2010

Cacahing Kaca   : 170 kaca + Sampul

Ukuran               : 15 X 21 cm

Bobot                 : 200 gram

Regi                    :  Rp 25.000

Werni Sampul    : Nila

 

                          Serat Pedhalangan Lampahan Kresna Duta ingkang dipun serat dening Bapak Purwadi menika wosipun kaperang wonten ing bagian bagian utawi bab, ingkang kaping sepisan menika Pratelan ingkang wosipun ngenani medalipun ringgit kanthi dipun iringi gendhing. Kaping kalih wonten Jantura Jejer Nagari Wiratha menika nyariosaken nagari Wiratha ingkang kondhang kaloka, kang jembar wilayah e, wonten bab menika ugi nyariosaken ngenani Prabu Matswapati ingkang adil wicaksana, saha perduli rakyat wonten ugi suluk Pathet Nem Ageng lajeng Ada ada Girisa, wonten ugi wincantenan antawisipun Praby Matsawapati, Drupada saha para Pandawa ngenani pamilihing duta kaping tiga kagem ngentos Drupada ingkang sampun ngayahi daddos duta kaping kalih. Lajeng prekawis ngenani pamilihing duta kaping tiga diun rembag sareng sareng saengga Kresna ingkang kapilih dados Duta Kaping Tiga saha sanes sanesipun.

                           Prabu Kresna minangka duta saking pandawa kagem nyuwun utawi mendet malih Negara  Ngastina saha Ngamarta ingkang sampun dados hak ipun para Pandawa lajeng tindak kanthi dipun kawal dening Setyaki. Prabu Kresna ugi dipun dherekaken dening BataraNarada, Batara Janaka, Batara  Ramaparasu saha Batara Kanwa. Sasampunipun dumugo wonten ing Ngastina lajeng Prabu Kresna saha para Kurawa sami rerembagan babagan hakiipun para Pandawa, ananging rerembagan menika gagal amargi Adipati Karna sampun kasil anggenipun ngerayu utawi manas manasi Prabu Duryudana supados perang kemawon amargi perang menika langkung ketingal langkung kaajeni tinimbang rerembagan. Patih sengkuni ugi manas manasi supados ngginakaken cara perang kemawon. Amargi rerembagan menika boten saged dipun tampi Paman sengkuni lajeng maringi komando supados para Kurawa sami ngruyuk Prabu Kresna amargi kaget saha mangkel lajeng Prabu Kresna malih ujud dados Brahala utawi raseksa ingkang sanget ageng.

                           Brahala menika ageng sanget saengga istana Ngastina langsung risak. Prabu Destrarastra ingkang wuta saha Dewi Gendari netranipun dipun tutup boten mangertos menawi istana menika ambruk saengga boten sami mlayu,saengga karutuhan tembok, wonten ing swasana ingkang mekaten menika para Kurawa sami mlayu mlayu ngalor ngidul boten sadhar menawi Rama kaliyan ibunipun sampun seda amargi dipun idak dening para kurawa menika. Wonten ing lakon menika ugi wonten  peperangan antawisipun Sentyaki kaliyan Burisrawa ananging dipun endheg dening Prabu Kresna.

Kalangkungan saha Kirangipun

-          Coveripun menika sae wonten gambar ringgitipun, werninipun ugi sae wonten ugi hiasanipun ananging kertas coveripun menika kirang sae amargi namung tipis

-      Ing dalemipun buku menika ugi wonten gambaripun ringgit wonten suluk jangkep kaliyan cakepan saha notasinipun ananging kertas ingkang dipun ginakaken namung kertas buram.

-                  Basanipun sae ananging ngginaken pralambang saengga radi susah dipun pahami. Tuladhanipun “  Negara ingkang gede obore, padhang jagade, dhuwur kukuse....”

-      Bukunipun sae kathah ngelmu ingkang saged dipun tuladhani saking sipatipun Prabu Kresna saha  Para Padawa ananging buku menika reginipun ing web kaliyan Toko menika radi kathah kacekipun  wonten web menika 17 ewu ananging ing toko menika sampun 25 ewu.

Saran

1.      Menawi maos buku menika menawi saged kaliyan betha bausastra supados saged langsung madosi    tegesipun.

2.       Kedah kathah buku wacan supados kosakataipun langkung kathah malih.