Panjang
Ilang
Ing
dusun kula, Gading Giritirto Purwosari Gunungkidul menawi badhe wonten adicara,
tuladhanipun mantenan, among among saha kirim,kirim menika upacara khusus kegem
tiyang ingkang sampun tilar donya, menika wonten upacara ingkang dipun sebat munjungi,
upacara munjungi menika dipun adani saderengipun upacara inti, ing upacara
munjungi menika wonten alat ingkang dipun wastani panjang ilang ananging asring
dipun sebat ancak. Ancak utawi panjang ilang menika alat ingkang dipun damel
saking irat iratan pring cacah 20 lajeng dipun nam, ngantos wujudipun kotak
utawi persagi wonten ugi ingkang
ing pinggiripun dipun paringi
papah gedhang supados langkung rapi maleh.
Ancak
menika lajeng dipun paringi sajen ingkang awujud sekul, jenang baru baru,
jenang katul, gudeg, pindang, ketan, lemper, sambel goreng, apem, mi, kinang,
linthingan, kolak, saha arta. Panjang ilang utawi ancak ingkang sampun dipun
isi sajen menika lajeng dipun srahke utawi dongani kaliyan mbah antek utawi
mbah kyai, sasampunipun dipun dongani betha dening para pemudha tumuju dhateng
lepen, lepenipin wonten 5, ingkang pokok menika Kali Tengah ing Kali Tengah
menika, wonten 2 papan inggih menika Sor Lo saha Kali Tengah menika piyambak,
lajeng Murgedhe utawi Sumur Gedhe, Sumur Gading saha ingkang pungkasan Tlogo
Klumpit.
Sakderengipun
sajen menika dumugi lepen sampun wonten lare lare alit ingkang nengga sajen
menika, amargi badhe mundhut punapa ingkang dipun remeneni, saksampunipun para
pemudha menika nilaraken lepen, lare lare alit menika lajeng sami playon
rebutan sajen menika, wonten ingkang mendhet apem wonten ingkang medhet lemper
saha sanes sanesipun, biasanipun ingkang dipun tilar utawi sisakaken menika
jenang, mi, linthingan saha kinang amargi boten wonten ingkang kersa. Menawi
boten memeng lare lare menika lajeng mlampah malih tumuju lepen sanesipun, lare
lare menika katon remen sanget, ananging sakmenika sampin boten kathah lare
ingkang pados sajen malih.
Komentar
Posting Komentar