Gladhen Nyerat Resensi

Resensi Buku Jawa

Identitas Buku

Irah-irahan        : Babad Tanah Jawa (Kisah Kraton Blambangan- Pajang)

Panganggit        : Wiryapanitra

Panerbit             : Dahara Prize Jl. Dorang  7 Phone 23518 Semarang

Cithakan            : Kaping 1,1991

Cacahing Kaca  : 263 + Sampul

Werni sampul    : Nila

Ringkesan Buku

Wonten ing buku punika nyariyosaken ngenani miyosipun kerajaan Majapahit dumugi miyosipun kerajaan Demak Saha Pajang. Dipun wiwiti saking cariyos wontenipun wabah penyakit ing Blambangan dumugi cariyos kerajaan Mataram saha Pajang ingkang tansah rukun. Wonten buku punika ugi nyariyosaken silsilah raja raja ing Jawa, saha cariyos pripun caranipun para wali anggenipun sami nyebaraken islam. Cariyosipun antawisipun syeh maulana iskak ingkang dipun suwuni tulung supados ngobati Dewi Kasiyan ingkang saweg gerah,Syeh Maulana Iskak kersa kanthi syarat Dewi kedah ngrasuk agami islam, wonten ugi cariyosipun Sunan Giri ingkang sanget dipun kurmati dening rakyat ing Patukangan, wonten ugi cariyos Sunan Giri saha Sunan Benang ingkang sami jelungan ing wana saha cariyos anggenipun sunan benang lan Giri sami sami tindak dateng Mekah saperlu ngangsu kawruh, cariyos ngenani utusan majapahit inglang dipun utus supados mejahi Sunan giri, wonten cariyos ngenani Jaka Tarub ingkang nandang duga amargi dipun tilar garwanipun,cariyos Jaka Tingkir ingkang saged mejahi kebo ingkang ngamuk, cariyos ki ageng Sela ingkang sageg nyepeng thathit,cariyos Sunan Kalijaga ingkang rumiyin dados rampok kagem mbiyantu pekir miskin, cariyos Syeh Siti Jenar ingkang nganggep piyambakipun Gusti Allah saengga boten kersa dipun timbali deneng Sunan Kudus amargi ngraos paling sekti, wonten cariyos para wali ingkang sami mbangun masjid ing Demak, wonten cariyos ngenani peti ingkang saged medalaken tikus satus nalika peti dipun bika sepisan, menawi dipun bikak malih medal malih satus, saha cariyos sanesipipun.

Kalangkungan saha Kirangipun Buku

-        Buku menika ngemot kathah sanget cariyos ananging anggenipun mbabar cariyos boten urut saengga ,menawi maos menika kedah alon alon saha telaten

-      Buku menika dipun serat ngginakaken kalih basa inggih menika basa jawi saha basa indonesia ananging menawi badhe maos menika saenipun dipun waos setunggal basa kemawon supados boten bingung amargi seratanipun ngandhap inggil.

-    Basa Indonesia wonten ing buku menika sejatosipun sanget mbiyantu kanca kanca ingkang boten saged basa jawi utawi ingkang dereng mangertos tegesipun ananging wonten basa ingkang dereng trep.

-      Desain coveripun sae ananging amargi sampun dangu buku ingkang kula waos sampun radi rusak coveripun ugi sampun boten cetha gambaripun.

-   Buku menika saged dipun dadosaken buku wacan amargi kathah cariyos ingkang sae ananging wonten buku menika cariyosipun namung dipun babar kanthi ringkes.